主页 > 智能机器 >2018 年游戏界回顾(下)腾讯连番出事、Steam 地位动 >

2018 年游戏界回顾(下)腾讯连番出事、Steam 地位动

2018 年游戏界回顾(下)腾讯连番出事、Steam 地位动

如果大家有紧贴中国国情就会知如果一款游戏要喺中国推出,就要经过政府审批,唔可以含有「不和谐元素」,仲要加返啲「中国特色」,所以如果你冇将只 game 俾中国嘅游戏公司代理嘅话,基本上係冇可能喺中国上架。腾讯近年藉呢个理由已经投资咗唔少游戏开发公司(实际上係入股,但同收购冇分别),同过 Valve 倾合作同入股,但始终倾唔掂数,喺 2017 年革新旧嘅腾讯游戏平台,推出全新嘅 Wegame 平台。

喺 2017 年,腾讯手执全球最多人玩嘅手游《传说对决》、代理到讨论度极高嘅《 PUBG 》、再加上「中国上架保证」嘅 Wegame,唔少人都睇好腾讯 2018 年肯定大赚,但实际情况居然唔係咁。

先讲《 PUBG 》,由于外挂问题极度严重,官方封外挂速度极慢,而同期推出嘅《 Fortnite 》经过几次更新之后已经改到变成系统简单、节奏明快,加上封外挂力度更强,再配合适当嘅合作如 Thanos 等,喺 2018 年《 Fortnite 》已经完胜《 PUBG 》。不过 PC 版唔得啫,腾讯一早出咗手机版啦,卖 game 唔 work 咪免费俾你玩引你课金啰!

2018 年游戏界回顾(下)腾讯连番出事、Steam 地位动

虽然话《 PUBG 》出手机版就无嘥到个 title ,咁 PC 都要搵啲嘢出嘅,腾讯其实真係好叻仔,倾到《 Monster Hunter : World 》嘅中国独家代理,殊不知最终只係闹出一个更大嘅笑话,上架两日都冇就下架,仲要係永久下架!下架原因究竟係中国政府所讲嘅保护儿童眼睛,俾人挖到游戏原来係未完整审批就偷步上架,定係真係因为标榜「原汁原味」、「冇修正」而触动到政府?虽然真係无从考究,不过中国政府就藉住呢次事件作为导火线,进一步收紧游戏嘅审批,暂停所有游戏嘅收费申请,直到最近先重新批出申请。

2018 年游戏界回顾(下)腾讯连番出事、Steam 地位动

腾讯喺 PC game 嘅领域受到重挫不特止,吹风吹咗半年嘅「最严实名制」喺 9 月正式出炉,虽然一众学生哥有办法「破解」,但始终都係有啲麻烦,当课金嘅最大族群嫌麻烦玩少咗,课金量自然都会少,所以腾讯嘅股价由年头跌到年尾,而因为政府年尾重新批出游戏嘅收费申请先回升返少少。

Epic Games Store 开业危及 Steam 地位?

2018 年游戏界回顾(下)腾讯连番出事、Steam 地位动

手执两大游戏引擎之一的 Unreal Engine 嘅 Epic Games ,喺啱啱过去嘅 12 月正式推出自家游戏平台,矛头直指 Steam ,对比 Steam 要收 30% 分成,佢只係收 12% ,已经吸引到唔少游戏开发商将旗下游戏摆上 Epic Games Store ,甚至已经有游戏例如《 World War Z 》已经讲明 PC 版会由 Epic Games Store 独佔。另外,佢哋又公布 2019 年分阶段将旗下《 Fortnite 》用紧嗰套网络游戏工具免费推出,帮开发商搞好大规模网上对战呢部分,大大减轻成本,对游戏开发商当然好有吸引力。

讲到咁劲, Steam 咪收得皮?短时间内 Steam 肯定唔会受影响嘅,首先 Epic Games Store 仲好新,无论係搜寻分类、甚或乎系统本身都有待改善,相信一时三刻唔会有好多游戏商够胆 all-in 。另外,玩家係懒嘅,係会嫌麻烦嘅,虽然明知俾一个平台独大唔係一件好事,但都係会宁愿可以一个平台搞掂,正正係因为呢种惰性,短时间内 Steam 肯定依然强势!不过 Epic Games Store 可以收咁少分成,背后肯定有一个更大计划,如果 Steam 冇适当嘅应对,龙头地位迟早会受到动摇。

2018 年游戏界回顾(下)腾讯连番出事、Steam 地位动

同场加映:豪赌 Diablo 手游失败,Blizzard 命不久矣?

2018 年游戏界回顾(下)腾讯连番出事、Steam 地位动

今年其中一单「震撼弹」肯定係 Diablo 将会出手游,需知道大部分玩家对待家用机 game 同手机 game 嘅睇法都好两极化,好多人都觉得手机 game 唔係 game 、只係不断迫人课金嘅搵钱机器,虽然咁样谂真係会「一竹篙打一船人」,但无可否认 Diablo 玩家群里面真係好多呢类人,而明知自己玩家嘅喜好都落咁嘅决定真係同自杀冇分别。

2018 年游戏界回顾(下)腾讯连番出事、Steam 地位动

另一边厢其实今年 Blizzard 持续炒人节流,就喺啱啱嗰个平安夜 Blizzard 爱尔兰客服中心就有 100 位员工接受咗名为「 Career Crossroads 」嘅自愿离职计画,相信呢个情况会持续发生。有传搞到 Blizzard 咁多风多雨係因为母公司 Activision 嘅介入愈嚟愈多,甚至财务部嘅权力大到可以干涉游戏开发,究竟 Blizzard 最终可唔可以重返当日嘅盛世,定会畀人玩烂呢?

2018 年游戏界回顾(下)腾讯连番出事、Steam 地位动

2019 有咩展望?想知就睇细佬听日出嘅 2019 上半年值得期待嘅游戏啦!

薛凯琪向JunoClaim工伤香港娱乐八卦Ho

薛凯琪向JunoClaim工伤香港娱乐八卦Ho

歌手麦浚龙(Juno)及薛凯琪(Fiona)前晚到戏院出席新歌《结》MV首播会,吸引不少歌迷支持。睇

薛凯琪大个女骚胸诱人香港娱乐八卦HopeTri

薛凯琪大个女骚胸诱人香港娱乐八卦HopeTri

歌手薛凯琪(Fiona)入行第十二个年头,由少女变成「Miss」,新歌《MISS FIONA》希望外

薛凯琪掟钱整蛊方大同香港娱乐八卦HopeTri

薛凯琪掟钱整蛊方大同香港娱乐八卦HopeTri

歌手薛凯琪(Fiona)昨日到电台宣传新歌《MISS FIONA》,她表示新歌讲自强,希望送给各位事

薛凯琪撑场讲心又讲金香港娱乐八卦HopeTri

薛凯琪撑场讲心又讲金香港娱乐八卦HopeTri

杨爱瑾(Miki)昨日低调出嫁,获圈中不少好友赴饮宴,包括姊妹邓丽欣、吴雨霏、薛凯琪、小肥、旧饼碎G